八時五十分考西班牙文閱讀及寫作,閱讀方面有點兒難,不過還可以。
寫作就比較容易,因為做foundation既關係,但最高分就只有c。
不過我想我做得不錯,因為抄咗presentation講過既入writing。lunch個時,有d同學唱生日歌俾另一個生日既同學。
我都知d香港人唔係唱俾我聽,
講真,我唔介意,因為已經get over咗呢d野!
之後唱到,「happy birthday to 茱莉亞」時,有d同學唱「and xxxxxxx」,
因為正拉開張椅子,嚇到差點跌低。一時三十分考additional生物,如果問我生物同附加生物有咩唔同,
真係無咩唔同都係生物,生物又唔係易過附加生物。
AQA科學問既問題超婉轉,似係估野遊戲。
有一條問題唔太識答,但都有寫答案。
有一條唔多夠時間,呢科係我第一科唔夠時間既一科。
之後,問返同學有一條唔太識答撞啱咗。之後,返房執野,執美術材料和舊數學卷還俾miss。
行去textile房時,見到個呀sir,佢問我「was it your birthday yesterday?」
我答佢唔係,係今日喎!之後,佢話今日幾好,得一科試要考,好過琴日考兩科。
我問佢我琴日有咩試要考,我琴日考一科。佢就話呀!英文。咁今日好呀,得一科。
我就話唔係呀,今日有兩科。佢就話「happy birthday,anyway」
我多謝佢之後就還材料同舊數學卷還俾miss。
之後,扔哂d廢紙入環保箱。見到生物老師,同佢傾咗陣,但佢要等放學先可以睇份卷。
之後,去揾宗教老師問佢洗唔洗還bible,佢話唔洗,係學校俾既紀念品,
期間話劇老師行過,肯定笑死佢。我同宗教老師講我包埋膠,哈哈!
不過,我想係暑假讀下本聖經。
順便問埋明天係邊,唔夠一分鐘就唔記得,要問返日本妹。跟住,同日本妺係課室傾計。
有個同學入咗黎,我地三個就一齊去揾話劇老師,因為係中二至中三個時,
做過三齣話劇,所以想拎返個copy,點知佢要揾下。食晚餐個時,都唔諗住會有d咩特別。
食食下個時,我舊同房細細聲咁叫同枱既同學準備好唱生日歌,我聽力好,
我望佢笑,佢就扮唔知,仲問我「what?」我就話無野。
雖然只有我個張枱唱,但心意搭夠!
之後,班香港人唱俾茱莉亞聽,
不過,我張枱唱得大聲d,加上有最好既歌手(舊同房唱歌好掂)。
之後,小學部又有人生日。跟住,d香港人又唱多次俾茱莉亞聽。
坐我隔離個黑人莎辮娜不滿,話佢生日又唔見有人唱俾佢聽,
茱莉亞生日就要唱兩次。係喎!
今日講咗好多垃圾,冇計喇,平時又冇乜時間。
好期待聽日考中文!!
