今日一早去咗sports hall點名,跟住去咗study centre溫書,
所以去咗其中一間課室溫書溫溫下,歷史老師入咗黎。佢話d窗開哂,因為真係好凍,所以幫我關上。
講真,我掛住溫書真無留意d窗開咗。
溫到差唔多,就行去數學課室搵數學老師問數學。
成朝溫咗大概四個鍾數,午餐又問多一次數。午餐個時因為d小學同幼稚園仲食緊,差d冇位坐。
坐同枱個幼稚園小朋友係咁望住我同我兩個同房,笑死我地。一點半考,今次d題目係難d,但準備得ok,
所以同其他同學比較起來,優勝些少!
咁考緊個時,有一題做錯咗,所以冇晒位再做。
咁我舉手喇,企係最前個個miss好似睇唔到我舉手咁喎!
之後,有個呀sir走咗去先生枱,拎咗紙,做口形問係咪要紙,我點點頭。
佢就拎咗紙俾我,佢俾紙我前好似想同我講野,我就搶咗張紙,冇理佢。
考完問其他同學有d話好難,有d話ok。
之後,去咗搵數學老師,佢仲請我地食巧克力。唉!死喇!唔見咗本數學書,要入落學費到。
我好似係借咗俾個同學架,之後就唔見咗!放學之後,同咗個舊同房傾份卷。
講講下發現有一題做錯咗,超簡單都可以做錯。
唉!仲好似四分題呢添!!
